… и придоша старѣишии Рюрикъ сѣде Новѣгородѣ · а другии Синеоусъ на Бѣлѣѡзерѣ · а третии Изборьстѣ · Труворъ · и ѿ тѣхъ Варѧгъ прозвасѧ Рускаꙗ землѧ Новугородьци ти суть людьє Ноѹгородьци ѿ рода Варѧжьска · преже бо бѣша Словѣни · по дву же лѣту · Синеѹсъ ѹмре · а братъ єго Труворъ · и приꙗ власть Рюрикъ · и раздаꙗ мужемъ своимъ градꙑ · ѡвому Полотескъ ѡвому Ростовъ другому Бѣлоѡзеро · и по тѣмъ городомъ суть находници Варѧзи а перьвии насельници в Новѣгородѣ Словѣне · въ Полотьски Кривичи · в Ростовѣ Мерѧ · в Бѣлѣѡзерѣ Весь · в Муромѣ Мурома · и тѣми всѣми ѡбладаше Рюрикъ …